ANO ANG AASAHAN Mga hakbang sa iyong hiring journey sa Brink's

Ang pag-apply para sa isang posisyon sa Brink’s ay dapat na hindi kumplikado at transparent. Mula sa unang pag-apply mo hanggang sa panghuling panayam, gagabayan ka namin sa kung ano ang dapat mong asahan, paano maghahanda, at ano ang susunod na mangyayari. Bilang isang global kumpanya, maaaring bahagyang mag-iba ang mga timeline at hakbang depende sa posisyon at lokasyon, pero hindi nagbabago ang aming dedikasyon sa pagbibigay ng karanasan sa pag-hire nang may paggalang.

MGA HAKBANG Paano kami nagha-hire

Bahagyang may pagkakaiba ang bawat hakbang sa pag-hire, pero ang timeline na ito ang pangkalahatang balangkas ng kung ano ang maaasahan mo, mula sa pag-apply hanggang sa unang araw.

01

Isumite ang iyong aplikasyon

Hanapin ang posisyon na naaayon sa iyong background, mga interes, at lokasyon, at isumite ang iyong aplikasyon.

02

Pagsusuri ng aplikasyon

Susuriin ng aming recruiting team ang iyong aplikasyon at makikipag-ugnayan sa iyo kung tumutugma ang iyong profile.

03

Inisyal na pakikipag-usap sa recruiter

Kung tugma ang iyong mga karanasan sa trabaho, ikokonekta ka namin sa isang recruiter sa pamamagitan ng pagtawag sa telepono o virtually para pag-usapan ang posisyon.

04

In-person interviews

Kukumpletuhin mo ang isa hanggang dalawang interviews sa isang local na branch – isa itong oportunidad para masuri ng magkabilang panig ang angkop na kwalipikasyon sa trabaho.

05

Offer

Kung mapipili, kakausapin ka ng recruiter para sa offer ng trabaho at gagabayan ka sa lahat ng kailangan mong gawin.

06

Pag-onboard

Makakatanggap ka ng mga kailangan mong ihanda para sa bago mong trabaho – akma ito sa iyong posisyon at sa lokasyon.

07

Unang araw

Magsisimula ka sa orientation at pagsasanay para tulungan kang magsimula nang may kumpyansa.

DUMATING NANG HANDA Gabay sa interview sa Brink's

Interviews ang iyong pagkakataon na magbahagi ng iyong karanasan, magtanong, at kilalanin pa ang tungkol sa Brink’s at sa trabaho. Narito ang ilang paraan para matulungan kang maging handa.

  • Unawain ang tungkulin sa trabaho

    Maglaan ng oras na basahin ang detalye ng trabaho (job description) at pag-isipan kung paano naaangkop ang iyong karanasan sa mga pang-araw-araw na responsibilidad.

  • Alamin ang aming mga prinsipyo

    May global footprint ang Brink’s, at pinag-uugnay kaming lahat ng aming mga pinagkakaisahang prinsipyo. Ang pag-alam sa kung ano ang mga gumagabay sa amin ay makakatulong na maipakitang ikaw ang tamang tao para sa posisyon, at makita kung kami ang tamang kumpanya para sa iyo.

  • Alamin ang tungkol sa aming ginagawa

    Alamin kung ano ang ginagawa namin sa iba’t ibang secure logistics, pamamahala ng cash, at mga digital na solusyon sa pagbabayad para masabi mo kung paano nauugnay ang iyong mga kakayahan sa aming layunin.

  • Maging handang sabihin ang tungkol sa iyong sarili

    Maghanda ng mga halimbawa ng tungkol sa kung paano mo kinaharap ang mga hamon, nakipagtulungan sa isang team o umako ng mga pananagutan sa mga nakaraang tungkulin.

  • Maghanda ng mga tanong

    Gusto naming malaman ang higit pa tungkol sa iyo, at ito rin ang pagkakataon mong malaman ang higit pa tungkol sa amin. Tungkol man ito sa pang-araw-araw na trabaho, team structure, o mga oportunidad para paunlarin ang iyong mga kakayahan, maghanda ng mga tanong na mahalaga para sa iyo.

  • Alamin kung ano ang dapat asahan

    Iba-iba ang mga panayam depende sa posisyon at lokasyon – ibig sabihin, pwedeng personal ito o kaya ay virtual, at maaaring may kasamang maraming pag-uusap. Bigyan ng oras ang iyong sarili na dumating nang maaga o subukan nang maaga ang iyong virtual setup.

  • Magpakatotoo

    Huwag matakot na magpakatotoo – gusto naming malaman ang tungkol sa kung paano ka mag-isip, magtrabaho, at kung ano ang maiaambag mo sa aming team.

ANG GUMAGABAY SA AMIN Itinatag sa mga prinsipyo. Pinapangunahan ng mga tao.

Isinasabuhay namin ang aming mga prinsipyo sa kung paano kami nagtatrabaho, namumuno, at sumusuporta, para sa aming team at sa mga customers.

Sinusulong Namin ang Tagumpay ng Customer

Masigasig kami bilang pinagkakatiwalaang partner sa marketplace para gumawa ng maayos at makabagong solusyon, at natatanging karanasan.

Nagsisikap Kami para sa Kahusayan

Naghahatid kami ng mga positibong resulta sa pamamagitan ng pagpapahusay ng aming operasyon, pagbuo ng solusyon, at sa serbisyong ibinibigay namin.

Nagpoprotekta Kami

Inuuna namin ang kaligtasan ng aming mga empleyado, pinoprotektahan ang mga asset ng aming mga customers, at nagsisikap na i-secure ang hinaharap sa pamamagitan ng pagtuon sa sustainability.

Sama-sama Kaming Nagtatrabaho

Iginagalang at pinapahalagahan namin ang aming iba’t ibang background at nagtatagumpay kami bilang isang ingklusibong team.

Ginagawa Namin ang Tama

Bumubuo kami ng tiwala sa pamamagitan ng pagkilos nang may integridad – tapat, maaasahan, at pinanagutan namin kung paano kami kumikilos.

ANG MGA TAO SA BRINK'S Mga tunay na tao. Mga tunay na kwento.

"Napakarami ko nang naging oportunidad na pahusayin ang aking mga kakayahan sa aking tungkulin – mula sa pag-aaral kung paano mag-maintain at mag-service ng mga ATM at iba pang cash service machine, hanggang sa pagsasanay at pagkuha ng aking propesyonal na lisensya sa pagmamaneho ng truck. Ginawa ang lahat ng ito sa suporta ng Brink's."

Cian

Tsuper Ireland

MAY MGA TANONG KA BA? Mga madalas itanong

Narito kami para tulungan ka sa iyong pag-apply – maghanap ng mga sagot sa ilan sa pinakakaraniwang tanong na naririnig namin mula sa mga aplikante.

  • Puwede kang maghanap ng mga bukas na oportunidad sa careers website ng Brink’s sa pamamagitan ng keyword, job title, kategorya, o lokasyon.

    Ang mga aplikante sa United States, Dominican Republic, Brazil, France, Romania, Greece, at India ay maaari ding kumonekta kay Bria, ang aming Recruiting Assistant, sa pamamagitan ng pag-click sa chat icon sa kanang ibabang sulok ng careers site. Matutulungan ka ni Bria na maghanap ng mga may kaugnayang oportunidad at mag-apply para sa mga kwalipikadong posisyon nang hindi gumagawa ng isang candidate profile.

    Para sa lahat ng iba pang lokasyon, puwede kang maghanap at mag-apply para sa mga posisyon nang direkta sa aming careers site sa pamamagitan ng candidate profile at kumpletuhin ang proseso ng pag-apply online.

  • Si Bria ay ang Recruiting Assistant ng Brink’s, na available sa pamamagitan ng chat icon sa aming careers site. Kayang sagutin ni Bria ang mga tanong tungkol sa kasaysayan, kultura, mga prinsipyo, mga oportunidad sa karera, at proseso ng pag-hire, na tumutulong sa iyo na mabilis at madaling maghanap ng impormasyon.

    Ang mga aplikante sa Dominican Republic, Brazil, France, Romania, Greece at India ay maaari ding makipag-ugnayan kay Bria sa pamamagitan ng WhatsApp o, sa United States, sa pamamagitan ng SMS text messaging. Depende sa posisyon at lokasyon, matutulungan ka ni Bria na maghanap ng mga oportunidad, mag-apply sa trabaho, mag-schedule o mag-reschedule ng mga panayam, sumagot ng mga tanong at manatiling naabisuhan sa buong proseso ng pag-hire.

  • Kadalasan, oo. Sa paggawa ng candidate profile, makakapag-apply para sa mga trabaho, makakapag-save ng iyong impormasyon para sa mga oportunidad sa hinaharap at makakapag-track ng status ng iyong aplikasyon kung available.

    Gayunpaman, ang mga aplikanteng nag-a-apply sa mga trabaho sa United States, Dominican Republic, Brazil, France, Romania, Greece at India ay maaaring mag-apply nang direkta sa pamamagitan ng Bria, ang aming Recruiting Assistant, nang hindi gumagawa ng candidate profile. Magsimula lang ng isang pag-uusap kasama si Bria gamit ang chat icon na nasa ibabang sulok sa kanan ng career site.

    Para sa lahat ng iba pang bansa, kakailanganin mong sundin ang karaniwang proseso sa pag-apply at gumawa ng candidate profile bago magsumite ng aplikasyon.

  • Oo. Puwede kang mag-apply nang higit sa isang posisyon kung tumutugma sa mga kinakailangan ang iyong mga kakayahan, karanasan, at availability. Inirerekomenda naming basahin nang mabuti ang bawat detalye ng trabaho at mag-apply lang para sa mga posisyong talagang naaangkop sa iyong profile at mga interes.

  • Oo. Marami sa mga posisyon ay hindi nangangailangan ng nakaraang karanasan sa security, logistics, o cash management. Naghahanap kami ng mga aplikante na nakakatugon sa mga kwalipikasyon para sa mga posisyon at nagpapakita ng mga katangiang gaya ng pagkamaaasahan, katapatan, focus sa customer, kaalaman sa kaligtasan at kahandaang matuto.

    Gayunpaman, maaaring mangailangan ang ilang posisyon ng partikular na lisensya, sertipikasyon, teknikal na kasanayan o naunang karanasan. Pakisuri ang mga kinakailangan sa trabaho na nakalista sa na-post na trabaho bago mag-apply.

  • Puwede ka pa ring mag-apply kung sa palagay mo ay naaangkop sa posisyon ang iyong karanasan, mga kakayahan, at motibasyon. Ang ilang kinakailangan ay maaaring mahalaga para sa mga dahilang legal, pangkaligtasan, o sa operasyon, habang maaari namang preferred lang ang iba pa. Ang detalye ng trabaho ay madalas na makakatulong sa iyo na maunawaan kung aling mga kinakailangan ang sapilitan.

  • Kung available, maaari mong tingnan ang status ng iyong aplikasyon sa pamamagitan ng pag-log in sa iyong candidate profile sa Workday. Kung available ang feature na ito sa iyong bansa, makikipag-ugnayan sa iyo ang talent acquisition team kung magpapatuloy ka sa susunod na bahagi ng aplikasyon.

  • Salamat sa iyong pasensya at interes sa mga oportunidad sa karera sa Brink’s. Maaaring magiba-iba ang tagal ng pag-review ng aplikasyon depende sa posisyon, lokasyon at dami ng natanggap na aplikasyon. Nire-review ng aming team ang bawat aplikasyon at nakikipag-ugnayan sa mga napiling aplikante na magpatuloy sa proseso ng pag-hire. Kung available, maaari kang mag-log in sa iyong candidate account sa Workday para tingnan ang status ng iyong aplikasyon.

  • Ang mga background check ay karaniwang isinasagawa at maaaring kinakailangan bilang bahagi ng proseso ng pag-hire, depende sa posisyon at lokasyon. Kung kinakailangan, gagabayan ka namin sa proseso at sisiguraduhing mayroon ka ng lahat ng kakailanganin mo.

  • Hindi palagi. Bagaman ang ilang posisyon sa Brink’s ay nangangailangan ng valid na security license, sertipiko o iba pang panregulasyong pag-apruba, maraming posisyon ang hindi nangangailangan ng mga ito. Kung kailangan ng mga partikular na kwalipikasyon, ipapaalam namin sa iyo sa panahon ng proseso ng aplikasyon at pag-hire.

  • Oo. Nag-aalok ang Brink’s ng benefits package na dinisenyo para suportahan ang iyong kalusugan, pinansyal na seguridad, at paglago ng karera. Maaaring mag-iba-iba ang mga benepisyo ayon sa posisyon at bansa depende sa pangangailangan ng aming lokal na team sa buong mundo.

  • Nag-iiba-iba ito ayon sa bansa at posisyon. Sa ilang lokasyon, maaaring suportahan ng Brink’s ang pagsasanay o sertipikasyong nauugnay sa mga partikular na kinakailangan sa operasyon. Ipapaliwanag ng talent acquisition team kung ano ang nararapat habang nagpapatuloy ang proseso ng iyong aplikasyon.

  • Marami sa mga empleyado ang bumuo ng kanilang karera sa Brink’s na umangat mula sa isang posisyon patungo sa susunod habang natututo ng mga bagong kakayahan at karanasan. Naniniwala kaming trabaho ng buong team ang pagpapahusay ng talento, at nakatuon ang aming mga tagapamuno sa paghubog nito sa iba’t ibang bahagi ng kumpanya.

    Depende sa iyong posisyon at lokasyon, maaaring kasama sa mga oportunidad ang mga programa ng pagsasanay, pagpapahusay ng pamumuno, mentoring, mga karagdagang responsibilidad at internal na oportunidad sa buong organisasyon.

Go to top
Brinks Careers serves communities across multiple states. Candidates can search for jobs by city, state, or region using the job search tool.